iraqning shie rehbiri hökümetni istépagha chaqirdi
iraqta sadr herikitining rehbiri muqteda essadr hökümetke qarshi namayishlarda köp qan aqmasliqi üchün hökümetni derhal istépagha chaqirdi.
türkiye awazi radiyosi xewiri: iraqning shie rehbiri muqteda essadr twitétrda élan qilghan bayanatida: «hökümetning istépa bermesliki iraqta axirqi künning bashlanghuchi bolidu. parixorluq bilen eyiblengen hökümetni qollimaymen we ular bilen héchqandaq birleshme hökümet yaki saylamgha qatnashmaymen» dédi.
muqteda essadr iranning nejef konsulxanisigha ot qoyup bérilishi üstide toxtilip: «dölitimiz ikkinchi süriyege aylanmasliqi lazim» dédi.
2019-yili 1-öktebir iraqta, ishsizliq, parixorluq we ammiwi xizmetlerning yétersizlikige naraziliq bildürüsh meqsitide bashlanghan namayishlarda, bügüngiche 300 din artuq kishi jénidin ayrildi, 15 mingdin artuq kishi yarilandi.
élan qilinghan islahat pilanlirigha qayil bolmighan namayishchilar, xewpsizlik tarmaqlirigha namayishlarda zorawanliq qilish toghrida yolyoruq bérish bilen eyiblengen bash ministir adil abdulmehdi hökümitining istépa bérishini telep qilmaqta.
مۇناسىۋەتلىك خەۋەرلەر
