daésh yéngi rehbirining saylanghanliqini uqturdi
térrorluq teshkilati daésh ebubekri elbaghdadining öltürülgenlikini qobul qildi hemde yéngi rehbirining saylap chiqilghanliqini uqturdi.
türkiye awazi radiyosi xewiri: térrorluq teshkilati daéshqa yéqin «‹télégram› téléwiziye qanili» da élan qilinghan awaz lintisida, özini teshkilatning bayanatchisi dep tonushturghan ebu hemze elqureshi, baghdadi bilen daésh bayanatchisi ebu hesen elmuhajirning öltürülgenlikini, baghdadining ornigha ebu ibrahim elhashimi elqureshining saylanghanliqini uqturdi.
daésh rehbiri baghdadining, amérika alahide qisimlirining 8 tik uchar ayropilan arqiliq süriyening idlib shehirining shimaliy qismida élip barghan hujumida ölgenliki bildürülgenidi.
amérika qoshma ishtatliri pirézidénti donald tramp bu heptining bashlirida élan qilghan bayanatida, baghdadining özi turuwatqan öyining astidiki éghizi taqaqliq tunéllardin birige kirgendin kéyin, üstidiki jilitkisini partlitip,. yénidiki üch balisi bilen birlikte ölgenlikini jakarlighanidi.
amérika qoshma ishtatliri tashqi ishlar ministirliqi rehbirimu, daésh bayanatchisi ebu hesen elmuhajirning, süriyening jerablus shehiri etrapida seyshenbe küni élip bérilghan hujumda öltürülgenlikini uqturghanidi.
