misir hökümiti mingdin artuq oqutquchini xizmettin boshatti
misir hökümiti, 1070 oqutquchini musulman qérindashlar teshkilati (ixwan) gha eza bolghanliqini ilgiri sürüp xizmettin boshatti.
türkiye awazi radiyosi xewiri: misir maarip ministiri tariq shewqi muxbirlarni kütüwélish yighini ötküzüp, 1070 oqutquchining xizmettin qoghlanghanliqini uqturdi.
ministir shewqi, oqutquchiliq bilen shughullanghuchilarning alahide süpetlerge ige bolushi kéreklikini, wezipidin élip tashlash qararining mezkur oqutquchilarning ixwangha eza bolghanliqi yaki üstidin sot échilip jaza höküm qilinghanliqliri üchün chiqirilghanliqini eskertti.
xizmettin boshitilghan oqutquchilar mezkur qarar toghrisida hazirghiche héchqandaq bayanat élan qilmidi.
misirda démokratik saylam arqiliq hakimiyet béshigha kelgen tunji pirézidént muhemmed mursining 2013 – yili 3 – iyulda bir herbiy – siyasiy özgirish arqiliq aghdurup tashlinishidin kéyin, köpligen sheherlerde herbiy – siyasiy özgirishke qarshi namayishlar bolghan, namayishqa ishtirak qilghan köp sanliqi ixwan ezasi minglarche kishi herxil sewebler ilgiri sürülüp nazaret astigha élinghanidi.
herbiy – siyasiy özgirishtin kéyin hakimiyet béshigha kelgen ichki kabinét, 2013 – yili 25 – dékabirda musulman qérindashlar teshkilati (ixwan) ni «térrorluq teshkilati» dep élan qilghanidi.
