awstraliyening panahlanghuchi ailini chégradin qoghlap chiqirishqa urunushi b d t ni heriketke ötküzdi

türkiye awazi radiyosi xewiri: birleshken döletler teshkilati kishilik hoquq komitéti awstraliye hökümitige chaqiriq élan qilip, siri lankagha qayturuwitilishi sot qarari bilen toxtilghandin kéyin, christmas arilidiki tutup merkizige yـkiwétilgen tamilliq 2 kichik balisi bolghan 4 kishilik ailining merkezdin quyup bérilishi kéreklikini telep qildi.

birleshken döletler teshkilati kishilik hoquq komitéti ailining hazirqi tutup turulushigha xatime bérilishini we 30 kün ichide qoyup bérilishi kéreklikini telep qildi.

awstraliye gerche xelqara medeniy we siyasiy heq - hoquq ehdinamisigha imza qoyghan döletler qataridin orun alsimu, biraq birleshken döletler teshkilati kishilik hoquq komitétining awstralye hökümitini bu telepni orundashqa zorlash hoquqi yoq.

siri lankadin awstraliyege ayrim- ayrm kémiler bilen 2012 – we 2013 yili kelgen nadés isimliq dada we kokilapatmarpiriya nadélsaling isimliq anining awstraliyege kelgendin kéyin ikki qiz perzenti dunyagha kelgen idi.

awstraliyening kuénsland ölkisige qarashliq biloéla shehiride turushluq ailining 4 yashqa kirgen qizi kopika we 2 yashliq qizi tarnika bilen birge ailiche qanchilighan qétim panahliq iltimasi sunghan bolsimu, hökümet teripidin iltimasliri ret qilinghan idi. 

awstraliyege sunghan panahliq iltimasi qobul qilinmighandin kéyin, chégradin qoghlap chiqirish üchün mélborndin u olturghan ayropilan uchushqa azla qalghanda sot mehkimisining qarari bilen tosup qilinghan idi.

andin mesullar ailini mélborndin christmas tutup merkizige yötkiwetken bolup, awstraliye fédératsiye sot mehkimisi ailining awstraliyede turushi yaki turmasliqigha hökümet emes, sot mehkisi qarar béridighanliqi heqqide hökümname élan qilghan idi.