jubeyir: qolimizda aramko hujumlirida iran qorallirining ishlitigenlikige dair pakit bar

türkiye awazi radiyosi xewiri: seudi erebistanning tashqi ishlargha mesul dölet ishliri ministiri adil eljubeyir, seudi erebistanning dölet igilikidiki néfit shirkiti – saudi aramkoning néfit chekkilesh orunlirigha qilinghan hujumlarda iran qorallirining ishlitilgenlikige dair pakitlarning barliqini éytti.

seudi erebistanning «elixbariyye» qanilining xewirige qarighanda, birleshken döletler teshkilati (b d t) ning 74 – nöwetlik omumi kéngishi bashliqlar yighinigha ishtirak qilish üchün amérikining nyu york shehirige barghan adil eljubeyr, muxbirlarning soallirigha jawab bergen.

u seudi erebistanning dölet igilikidiki néfit shirkiti – saudi aramkogha qilinghan hujumlar heqqide toxtilip, «saudi aramkoning muesseselirige qilinghanda hujumda iran qorallirining ishlitilgenlikige dair pakitlirimiz bar» dégen.

b d t teripidin seudi erebistangha weqeni tekshürüsh üchün ewetilgen mutexessislerning tekshürüshlirini dawamlashturuwatqanliqini bildürgen jubeyir, «netije élan qilinghinida, kéyinki qedemning némilerdin ibaret bolidighanliqigha qarar qilimiz» dégenlerni qeyt qilghan.

xelqara jemiyetning iranning qilmishlirini we yüz bergen ishlar (aramko hujumi) ni qobul qilmighanliqini, iranning xelqara qanungha riaye qilishi lazimliqi toghrisida pikir birlikining barliqini tilgha alghan jubeyir, aramko hujumidin intiqam élish mesiliside ittipaqdashlar bilen muzakirilerning ötküzülwatqanliqini sözlirige ilawe qildi.

seudi erebistanning dölet igilikidiki néfit shirkiti – saudi aramkoning ikki néfit chekkilesh ornining 14 – séntebir küni shu jay waqtip saet 04:00 te qoralliq uchquchisiz hawa apparatlirining hujumigha uchrighanliqi, weqedin kéyin ot apiti yüz bergenliki bildürülgenidi.

yemendiki husiylar, adem ölüsh yaki yarilinish körülmigen mezkur weqeni 10 dane qoralliq uchquchisiz hawa apparati bilen özlirining sadir qilghanliqini ilgiri sürgenidi.