lawrow tekshürüshlerning obyéktip bolushini tekitlidi
rusiye tashqi ishlar ministiri sérgéy lawrow seudi erebistan néfit meshghulat rayonlirigha qilinghan hujumni tekshürüsh musapining obyéktip bolushining ehmiyitini eskertip, undaq bolmighanda rayonning weziyitini téximu keskinleshtürüwétidighanliqini bildürdi.
türkiye awazi radiyosi xewiri: rusiye tashqi ishlar ministiri sérgéy lawrow seudi erebistan néfit meshghulat rayonlirigha qilinghan hujumni tekshürüsh musapining obyéktip bolushining ehmiyitini eskertip: «delil-ispatlar bilen küchlenmigen eyibleshler, mesilini hel qilishning ornigha, mesilisi bolghan rayon weziyitini téximu keskinleshtürüwétidu» dédi.
rusiye tashqi ishlar ministiri sérgéy lawrow moskwada nigér tashqi ishlar ministiri kalla ankoraw (KallaAnkourao) bilen körüshkendin kéyin, birlikte axbarat élan qilish yighini ötküzdi.
lawrow seudi erebistanning néfit shirkiti aramkoning meshghulat rayonigha qilinghan hujum üstide toxtilip: «14-séntebir yüz bergen hujumdin endishe qiliwatimiz» dédi.
u hujumgha munasiwetlik tekshürüshlerning biterep we keng dairilik bolushini tekitlep: «tekshürüsh musapisining obyéktip bolushi intayin muhim. delil-ispatlar bilen küchlenmigen eyibleshler mesilini hel qilishning ornigha, mesilisi bolghan rayon weziyitini téximu keskinleshtürüwétidu» dédi.
