jonson bilen tramp aramko shirkitige qilinghan hujumlar toghrisida pikir almashturdi
engliye bash weziri boris jonson bilen amérika pirézidénti donald tramp, seudi erebistanning dölet igilikidiki néfit shirkiti – saudi aramkogha qarashliq néfit chekkilesh orunlirigha qilinghan hujumlar toghrisida sözleshti.
1272634
türkiye awazi radiyosi xewiri: engliye bash wezirlik ishxanisi yazma bayanat élan qilip, jonson bilen trampning bügün téléfonda körüshüp, seudi erebistanning dölet igilikidiki néfit shirkiti – saudi aramkoning néfit chekkilesh orunlirigha qilinghan hujumlar toghrisida sözleshkenlikini uqturdi.
bayanatta, hujumlarni eyibligen boris jonson bilen donald tramp, xelqaradiki shériklerning bu mesilige birlik ichide diplomatik inkas qayturushi kéreklikini tekitligenliki qeyt qilindi.
bayanatta yene, irangha alaqidar mesililermu muhakime qilinghan téléfon söhbitide, ikki rehberning, bu döletning yadro qoraligha ige bolushigha yol qoyulmasliqi toghrisida birdeklik hasil qilghanliqi eskertildi.
