jewad zarif irangha qarshi urush mesiliside amérikani agahlandurdi
jewad zarif mayk pompiyoni pirézidént donald trampni urushqa sörep kérish üchün aldamchiliq qilishqa urunush bilen eyiblidi.
türkiye awazi radiyosi xewiri: iran tashqi ishlar ministiri muhemmed jewad zarif seudi erebistanning néfit zawutlirigha qilinghan hujumni amérika tashqi ishlar ministiri mayk pompiyoning «urush sewebi» dep bahalighanliqigha naraziliq bildürüp, mayk pompiyoni pirézidént donald trampni urushqa sörep kérish üchün aldamchiliq qilishqa urunush bilen eyiblidi.
jewad zarif pompiyoni irangha qarshi urushqa kürkürtüsh bilen eyiblep, «bu b guruppisining qalduqliri we nepsiyatchi ittipaqdishi trampni urushqa sörep kérish üchün aldashqa urunmaqta. özlirining yaxshiliqi üchün téligenlirining qollirigha kelmeslikige dua qilishliri lazim. ular hazirmu intayin mutekebbir bolghanliqliri üchün 4 yil ilgiliri yoqitiwételmigen irandin téximu kichik bolghan yemendiki urushta bedel tölimekte» dédi.
jewad zarif yene bir bayanatida bolsa, pompiyoning april éyida téksas «A&M» uniwérsitétida sözligen nutuqida «men amérika merkizi istixbarat teshkilati <CIA > ning diriktori idim. yalghan gep qilduq, aldiduq we oghirliduq» dégen körünüshlirini hembehirliship mundaq dédi:
«uchuqini éytqanda, kona adetler asanliqche yoqalmaydu. yalghanlar we aldamchiliqlar bilen tökülgen qanlarni shundaqla xelqning xezinisidin ishletken xirajetlerni közge ilmaydighan chet ellik xiridarlirigha (seudi erebistangha) yalaqchiliq qilish yéqindin buyan eng yuqiri pellige chiqti»
jewad zarif sabiq amérika dölet mudapie meslihetchisi jon bolton, israiliye bash ministiri binyamin nétanyahu, seudi erebistan text warisi shahzade muhemmed bin selman we ebu debi text warisi muhemmed bin ziyad qatarliqlarni «b guruppisi» dep atiwalghan bolup, ularni irangha qarshi amérikani urushqa soreshke urunush bilen eyiblep kelmekte.
