riyad aramko hujumini tekshürüsh üchün xelqaradin mutexessislerni teklip qilidu
seudi erebistan, dölet igilikidiki néfit shirkiti – saudi aramko qarmiqidiki néfit chekkilesh orunlirigha qilinghan hujumgha alaqidar tekshürüshlerge ishtirak qilish üchün xelqaradin mutexessislerni teklip qilidighanliqini uqturdi.
türkiye awazi radiyosi xewiri: seudi erebistan tashqi ishlar ministirliqi yazma bayanat élan qilip, dölette dunya bazarlirini néfit bilen teminlewatqan zawutlarning hujumgha uchrighanliqi, weqening saudi aramko shirkitining ishlepchiqirishining %50 ige yéqinining toxtap kétishini keltürüp chiqarghanliqini bildürgenidi.
hujumda iran qorallirining ishlitilgenliki qeyt qilinghan bayanatta, hujumlarning menbesini éniqlash xizmetlirining dawamlishiwatqanliqi eskertildi.
bayanatta, hujumgha alaqidar heqiqetlerni tekshürüshke ishtirak qilishi üchün b d t we xelqaraliq mutexessislerning teklip qilinidighanliqi bildürüldi.
seudi erebistanning dölet igilikidiki néfit shirkiti – saudi aramko qarmiqidiki ikki néfit chekkilesh ornida shenbe küni shu jay waqti saet 04:00 te qoralliq uchquchisiz hawa apparati hujumigha uchrighandin kéyin ot apiti yüz bergenidi.
adem ölüsh yaki yarilinish körülmigen weqedin kéyin héchqandaq terep eyiblenmigen bolsimu, yemendiki husiylar yazma bayanat élan qilip hujumning jawabkarliqini üstige alghanidi.
seudi erebistan bashchiliqidiki ittipaqdash küchlermu aramkogha qarashliq néfit chekkilesh orunlirigha qilinghan hujumlarning yemen zéminliri sirtidin iran qoralliri bilen qilinghanliqini élan qilghanidi.
iranning himayisidiki yemenlik husiylar, yéqinqi mezgillerde köpinchisi seudi erebistan hawa mudapie sistémiliri teripidin hawadiki chéghidila pachaqlap tashlanghan ottura we uzun musapilik ballistik bashqurulidighan bomba we qoralliq uchquchisiz hawa apparatlirini ishlitip seudi erebistanning bezi rayonlirigha hujum qilishni dawamlashturmaqta.
