hudeydede husiylargha ait qoral - yaragh iskilatida partlash yüz berdi
yemenning istiratégiyelik port shehiri hudeydede husiylar qoral - yaragh iskilati süpitide ishlitiwatqan bir binada meydangha kelgen partlashta 7 puqra hayatidin ayrildi, 20 kishi yarilandi.
türkiye awazi radiyosi xewiri: gherbiy sahil ortaq küchlirining bayanatchisi polkownik weddah eddubeyshning éytishiche, hudeyde shehirining jenubidiki ezzeferan mehelliside husiylar qoral - yaragh iskilati süpitide ishletken sulyaw zawutida birqatar partlashlar yüz bérip, 7 puqra hayatidin ayrilghan, 20 kishi yarilanghan, partlash sewebidin qachqan aililer panahlanghan bezi öylermu örülüp chüshken.
partlash toghruluq husiylar teripidin téxiche héchqandaq bayanat élan qilinmighan.
birleshken döletler teshkilatining közitishi astida husiylar bilen yemen hökümiti otturisida yekshenbe küni ötküzülgen muzakirilerning deslepki basquchi tamamlinip birqanche saet ötkendin kéyin hudeydede terepler otturisida toqunushlar bashlanghanidi.
مۇناسىۋەتلىك خەۋەرلەر
rusiyening «su-34» tipliq küreshchi ayropilani chüshüp ketti
rusiyening su-34 tipliq küreshchi ayropilani chüshüp kétip, ikki uchquchi qaza qildi.
