zarif iranning urush bashlighan terep bolmaydighanliqini éytti

türkiye awazi radiyosi xewiri: iran tashqi ishlar ministiri muhemmed jewad zarif norwégiyeni ziyaret qildi.

iran téléwiziyesining xewirige asaslanghanda, jewad zarif norwégiyening paytexti oslodiki uchrishishliri dairiside, tashqi ishlar ministiri éyni érikson bilen körüshken.

u körüshüshtin kéyin ötküzülgen ortaq axbarat élan qilish yighinida, amérika besre boghuzida qurushni xalaydighan herbiy birleshmige norwégiyening qatnishidighan yaki qatnashmaydighanliqi heqqidiki soalgha: «amérika besre boghuzida ishenchiszlikning amili. qatnash nahayiti zich bolghan bu rayonda weqe yüz bérishige ruxset qilmasliqimiz lazim» dep jawab berdi.

u hurmuz boghuzida déngiz bixeterliki bolsa, jebiltariq boghuzidimu bolushi kéreklikini bildürüp, déngiz bixeterlikide rayonning eng muhim küchi ikenliklirini we besre boghuzida herbiy küchlerning bixeterlikke paydiliq emeslikini eskertti.

u norwégiye xelqara munasiwetler inistitutida qilghan sözide, hurmuz boghuzining yérimining iran kontrolluqida ikenlikini, iran bolmay turup, u yerning bixeterlikini emelge ashurghili bolmaydighanliqini tekitlidi.

u iranning rayonda urush bashlighan terep bolmaydighanliqini, biraq urush yüz bergen ehwalda özini qoghdaydighanliqini qeyt qildi.

u ziyariti dairiside, norwégiye bash ministiri érna solbérg bilenmu körüshidu.