amérika 900 köchmenni méksikigha qayturiwetti
amérika hökümiti asasliq köp qismi ottura amérikiliq we kubaliq texminen 900 köchmenni iltimasining netijisi chiqqangha qeder saqlap turishi üchün méksikigha qayturiwetti.
türkiye awazi radiyosi xewiri: amérika hökümiti mesulliri ikki hepte ilgiri dairisi kéngeytilgen «mékisikada qal!» pirogrammisi asasida, ottura amérikiliq we kubaliq 900 köchmenni méksikaning shimalidiki tamalipas ölkisige qarashliq matamoros shehirige yolliwetkenlikini élan qildi.
puétra méksiko köwrikidin méksikagha yollanghan köchmenlerdin bashqa yene, 3000 köchmenning tamalipas ölkiside amérikigha iltija qilish resmiyetlirini tamamlishi mölcherlenmekte.
iltija qilishqa dair qanuniy resmiyetler netijige érishkenge qeder köchmenlerning méksika chégrasi ichide turushi shert qilinidu.
bu ariliqta amérika tashqi ishlar ministirliqi rayonda yüz bergen zorwanliq we görüge tutup kétish weqeliri sewebidin amérika puqralirining rayonda ziyarette bolmasliqi kérekliki heqqide agahlandurush élan qildi.
yene bir tereptin méksika hökümiti qayturuwitligen köchmenlerge téximu yaxshi turushluq jay we xizmet imkaniyiti yaritip béridighanliqini élan qildi.
méksika tünügün amérika chégrasidiki juaréz rayonida 3500 kishilik yéngi turalghu merkizini achqan idi.
bu yilning dékabir éyida bashlanghan «mékisikada qal!» pirogrammisi dairiside, 20 mingdin artuq panahlanghuchining iltijasi netijige érishkenge qeder kütüp turushi üchün méksikigha qayturuwétilgenliki bildürülmekte.
