amérika elchisi pelestin dölitini emes, aptonomiyesini qollaydighanliqini bildürdi

türkiye awazi radiyosi xewiri: amérikining tél awiwde turushluq bash elchisi dawid frédman «CNN» téléwiziye qaniligha bergen bayanatida, «biz pelestin aptonom we xelq hakimiyitige ishinimiz. pelestinde aptonomiyeni israiliyening bixeterlikige tesir yetküzmeydighan nuqtighiche kéngeytilidighanliqigha ishinimiz» dédi.  

dawid frédman «yüz yélning kélishimi» ning tepsilatining bu yil élan qilinishi mumkinliki we bu kélishimning dairisining bir döletlik hel qilish charisi terepke yönilishi üstide toxtilip, «israiliyede héch bir mesul, bir döletlik hel qilish charisini xalimaydu, dep qaraymen» dédi.    

dawid frédman amérikining pilanining ikki döletlik hel qilish charisini asas qilidighan yaki qilmaydighanliqi heqqide mundaq dédi:

«bir döletlik hel qilish charisi terepke ilgirileshke tirishqanliqimizdin emes, biraq biz bu sözni ishletmiduq. bizning mesilisimiz aldi bilen döletning némilikige qarar qilishtur. chünki dölet dégen söz nurghunlighan mesililerni öz ichige alghan bolidu. pelestin aptonomiyesining barliq heq – hoquqliri we cheklimiliri toluq belgilengenge qeder bu sözni ishlitish bizge ziyanliq bolidu, dep qaraymiz»