maduro wekilliri bilen guaydo wekillirining söhbiti axirlashti
wénézuéla hökümiti bilen öktichiler wekillirining barbados (Barbados) ta ötküzgen uchrishishliri axirlashti.
türkiye awazi radiyosi xewiri: uzun waqittin buyan siyasiy böhranni bashtin kechürüwatqan we herbiy-siyasiy özgirish heriketlirige sehne bolghan wénézuélada, pirézidént nikolas maduro hökümiti we özini waqitliq pirézidént dep élan qilghan öktichilerning rehbiri xuen guaydo wekillirining, norwégiyening muressechiliki bilen ötküzgen uchrishishliri axirlashti.
aral döliti hésablinidighan barbadosta üch kün dawamlashqan uchrishishlarning axirlashqanliqi, wénézuéla uchur-alaqe, medeniyet we sayahet ishlirigha mesul muawin pirézidént, shundaqla hökümetning bash muzakirechisi xorxé rodrigéz (Jorge Rodriguez) teripidin élan qilindi.
xorxé rodrigéz twittérda: «ixtilaplarning asasiy qanun boyiche tinchliq usullar bilen hel qilinishi üchün barbadosta qurulghan daimiy tinchliq üstilining bu qétimqi yighini axirlashti. barbados pirézidénti miya mottéligha teshekkür éytimiz» dédi.
terepler uchrishishlarda kélishim hasil qilinghan yaki qilinmighanliqi toghrisida héchqandaq bayanat élan qilmidi.
wénézuéla hökümiti we öktichiler wekilliri 2019-yili may éyining ikkinchi heptiside norwégiyede körüshken bolup, bu körüshüshtimu héchqandaq netije chiqmighan idi.
