erebistan melikisige qamaq jazasi bérish telep qilindi

türkiye awazi radiyosi xewiri: seudi erebistan padishahi selman bin abdulezizning qizi melike hassa bint selmangha firansiyening paytexti parizhdiki öyining bézekchilikini qiliwatqan kishini muhapizetchisige urdurghanliqi ilgiri sürülüp 6 ayliq qamaq jazasi bérilishi, jazaning kéchiktürüp ijra qilinishi telep qilindi.

firansiye taratqulirining xewer qilishiche, parizh jinayi ishlar sot mehkimisi mupettishi, paytexttiki öyide bézekchilik ishlirini qiliwatqan kishini muhapizetchisige urdurghanliqini ilgiri sürüp, hassa bint selmangha 6 ayliq qamaq jazasi we 5 ming yawro iqtisadiy jaza bérishni telep qildi.

mezkur ustini urghanliqi ilgiri sürülgen muhapizetchigimu 8 ayliq qamaq jazasi bérilishi, jazaning kéchiktürüp ijra qilinishi telep qilindi.

12 – séntebirde sotlinidighanliqi qeyt qiliniwatqan hassa bint selman üstidin 2017 – yilidin buyan herxil jinayetlerni sadir qilish bilen eyiblinip tutush buyruqi chiqirilghanliqi bildürüldi.

tayaq yégen bézekchining 5 künlük ish qilalmasliq ispat qeghizi alghanliqi eskertildi.

seudi erebistan text warisi shahzadisi muhemmed bin selmanning hemshirisi hassa bint selmanning, jinayetlirini ret qilghanliqi, biraq, bézekchining saqchigha hassa bint selmanning weqe jeryanida «bu itni öltürüsh kérek, buning yashash heqqi yoq» dégenlikini melum qilghanliqi ilgiri sürüldi.