«trampning pikir erkinlikini cheklesh hoquqi yoq»
amérika fédératsiye naraziliq erzi soti pirézidént donald trampning ammiwi ortaqlishish tor béti Twitter sehipiside yaqturmighan tordashlarni cheklishining «pikir erkinliki we asasiy qanunni depsende qilish » bolidighanliqi toghruluq höküm chiqardi.
türkiye awazi radiyosi xewiri: asasiy qanungha xilap bolushigha qarimay, amérika qoshma ishtatliri pirézidénti donald tramp ammiwi ortaqlishish tor béti Twitter sehipiside özini tenqid qilghan tordashlarni chekligenidi, shuning bilen bezi tordashlar sot mehkimisige erz sunghanidi. tramp shuningdin kéyin bu erzni bikar qilishi üchün derijisi téximu yuqiri bir sot mehkimisige iltimas sunghanidi.
niyu york fédératsiye naraziliq erzi soti tramp teripidin cheklengen 7 tordashning erzige qarap chiqip, «ammiwi taratquni xelqqe munasiwetlik bayanatlarni élan qilish üchün ishlitidighan bir dölet xadimining, özi yaqturmighan uchurlar we tordashlarni cheklishi pikir erkinlikini depsende qilghanliq we asasiy qanungha xilap» teriqiside höküm élan qildi.
