maduro wekilliri bilen öktiichlerning wekilliri körüshidu

türkiye awazi radiyosi xewiri: bir qanche aydin buyan siyasiy böhranni bashtin kechürüwatqan we herbiy özgirishlerge sehne bolghan wénézuélada, pirézidént nikolas maduro hökümiti we özini waqitliq pirézidént élan qilghan öktichi rehber xuen guaydoning wekilliri 2019-yili may éyida norwégiyede ötküzülgen uchrishishlardin kéyin, qaytidin körüshidu.

terepler qaysi waqitta bashlinidighanliqini éytmighan uchrishishlar, norwégiyening sherqiy shimaligha jaylashqan barbados arilida ötküzülidu. norwégiyening muressechiliki astida bashlinidighan yéngi muzakire söhbitini, hökümetning namidin twittérda élan qilghan wénézuéla uchur-alaqe, medeniyet we sayahet ishlirigha mesul muawin pirézidént, shundaqla hökümetning bash muzakirechisi xorxé rodrigiz (Jorge Rodriguez), uchrishishlarning téz sürette emelge ashurulidighanliqini bildürdi.

xorxé rodrigiz öktichiler üchün asasiy qanungha muwapiq halda chiqish yoli izdilidighanliqini eskertti.

amérikani öz ichige alghan nurghun gherb we latin amérika döletlirining qollishigha érishken xuen guaydomu bir qanche kün burun yalghangha chiqarghan uchrishishlarni, tiwittérda élan qildi.

her qétim purset tapqanda armiyening qollishini telep qilghan we herbiy özgirish qozghashta ghelibe qilalmighan xuen guaydo, yéngi uchrishishlar toghrisida «diktatorluqtin chiqish muzakiresi teshkillesh üchün bulangchi hakimiyetning wekilliri bilen uchrishish ötküzülidu» dédi.

wénézuéla hökümiti we xuen guydoning wekilliri 2019-yili may éyining ikkinchi heptisi norwégiyede körüshken idi. xuen guydo deslepte bu uchrishishlarni yalghangha chiqarghan, arqidin étirap qilghan idi.