amérikaliq milyardér olturghan bir tik uchar ayropilanning qazagha uchrighanliqi bildürüldi
karib déngizi rayonining bahamalar tewelikide bir tik uchar ayropilan chüshüp kétip 7 adem jénidin ayrildi.
türkiye awazi radiyosi xewiri: bahamalar saqchi tarmaqliri bayanat élan qilip, 7 neper amérikaliqni (amérikaning) filorida ishtatigha élip kétiwatqan bir tik uchar ayropilanning, grand key arilidin qozghilip uzun ötmeyla radarning küzitish dairisidin chiqip ketkenlikini, weqedin kéyin heriketke ötken alaqidar xadimlar bilen yerlik ahalining ayropilanning aralgha 3 kilométirche kélidighan yerde chüshüp ketkenlikini éniqlap chiqqanliqini bildürdi.
bayanatta, qazagha uchrighan tik uchar ayropilandiki 4 ayal bilen 3 erning jénidin ayrilghanliqi bildürüldi.
alaqidar tarmaqlarning yüz bérish sewebi éniq bolmighan mezkur qaza üstide tekshürüsh élip bériwatqanliqi qeyt qilindi.
amérika qoshma ishtatlirining gherbiy wirginiye ishtatida chiqidighan «The Register-Herald» géziti, qazada hayatidin ayrilghanlardin birining «kanchiliq sahesidiki milyardir teshebbuskar», «kömür shahi» we «saxawetchi» dégen namlar bilen tonulghan soda – sanaetchi kris klayn ikenliki toghrisidiki uchurlarni ortaqlashti.
