israiliyening oxshash bolmighan jaylirida irqiy ayrimchiliqqa qarshi namayish ötküzüldi
esli éfofiyelik israiliye puqrasi solomon tékahning saqchilarning oqida ölgenliki sewebidin israiliyening oxshash bolmighan jaylirida irqiy ayrimchiliqqa qarshi namayish ötküzüldi.
türkiye awazi radiyosi xewiri: paytext tél awiwdiki ménahim bégin kochisida toplashqan bir guruppa namayishchi irqiy ayrimchiliqqa qarshi shoarlarni towlidi we solomon tékahning öltürilishige naraziliq bildürülgen lozinkilarni achti.
paytext tél awiwdiki ménahim bégin kochisini qatnashtin tosup qoyghan namayishchilargha saqchilar mudaxile qildi.
israiliye saqchi idarisi teripidin élan qilinghan bayanatta, 5 kishini tél awiwdiki namayishtin we yene 5 kishini bashqa jaylardiki namayishlardin bolup, jemiy 10 kishini nazaretke alghanliqi bildürüldi.
nétanyahu shehiride bolsa, chong yolni qatnashtin tosüp qoymaqchi bolghan namayishchilargha saqchilar mudaxile qildi. shuning bilen namayishchilarmu saqchilargha hujum qildi.
rishon léyon shehiridimu qatnashni tosup qoyushqa tirishqan namayishchilar bilen yolda kétiwatqan aptomobil shopurliri otturisida jédel chiqti.
solomon tékah hafya shehirige yéqin kiryat haim shehiride öltürülgen bolup, kiryat haim shehirimu namayshlargha sehne boldi.
israiliyening shimaldiki kiryat haim shehiride yekshenbe küni wezipe üstide bolmighan bir saqchi memuri atqan oq bilen esli éfoféyelik israiliiye puqrasi 19 yashliq soloman tékah ölgen bolup, israiliye miqyasida irqiy ayrimchiliqqa qarshi keng kölemlik namayishlargha seweb bolghan idi.
