b d t qashiqchi jinayitide türkiyedin minnetdar ikenlikini bildürdi
b d t kishilik hoquq aliy komissariyati (OHCHR) seudi erebistanliq zhurnalist jemal qashiqchi jinayitining éniqlinishi üchün qilghan hemkarliqi üchün «türkiyedin minnetdar» ikenlikini élan qildi.
türkiye awazi radiyosi xewiri: b d t kishilik hoquq aliy komissariyati sotsiz we qalaymiqan ölüm jazaliri alahide doklatchisi aniyés kallimarx (Agnes Callamard), jemal qashiqchi jinayitige munasiwetlik teyyarlighan doklat heqqide bayanat élan qildi.
bayanatta, b d t kishilik hoquq aliy komissariyatining türkiye hökümitidin, «jinayetning tekshürülüshige munasiwetlik qilghan hemkarliqi we namayan qilghan yaxshi niyiti üchün intayin minnetdar» bolghanliqi bildürüldi.
b d t kishilik hoquq aliy komissariyati élan qilghan 101 betlik doklatta, jemal qashiqchini qestlep öltürüsh jinayitining jawabkarining seudi erebistan ikenliki qeyt qilinghan idi.
doklatta, seudi erebistan weliehdi shahzadisi muhemmed bin selmanni öz ichige alghan yuqiri derijilik emeldarlarning tekshürülüshi üchün ishenchlik ispatlarning barliqidin bésharet bérilgen idi.
«seudi erebistan diplomatik imtiyazlarni süyiistémal qilmasliq we öz zémini sirtida zorluq küch ishletmeslik pirinsipigha xilapliq qilghanliqi sewebidin türkiye hökümitidin epu sorishi kérek» déyilgen b d t doklatida yene, seudi erebistanning jemal qashiqchi yashaydighan amérikadinmu epu sorishi kérekliki qeyt qilinghan idi.
seudi erebistanliq zhurnalist jemal qashiqchi 2018-yili 2-öktebir toy resmiyetlirini béjirish üchün seudi erebistanning istanbuldiki konsulxanisigha barghanda, wehshiylerche öltürülgen idi.
