pelestin ereb döletlirini yumilaq üstel yighinini bayqut qilishqa chaqirdi

türkiye awazi radiyosi xewiri: pelestin azadliq teshkilatining ijraiye kéngishi ishghal astida turuwatqan iyordan deryasining gherbiy qirghiqidiki ramallah shehiride 25-26-iyun künliri manamada échilidighan «parawanliq üchün tinchliq» témisidiki yumilaq üstel iqtisad yighinini muzakire qildi.

pelestin azadliq teshkilati yighindin kéyin élan qilghan bayanatida, behreyndiki yumilaq üstel yighinigha qatnishishni ret qilghanliqlirini eskertip: «bu yighin zémin bedilige tinchliq pirinsipini, pul bedilige tinchliq pirinsipigha özgertishni meqset qilidu» dédi.

bayanatta, ereb döletliri yighinni bayqut qilishqa we ereb tinchliq herikiti qararlirigha sadiq bolushqa chaqirildi. bayanatta yene mundaq déyildi:

«pelestin xelqi namigha sodilishish üchün héchkimni wezipige teyinlimiduq, shunga bu yighinning netijisi biz üchün yoqqa barawer. buningdin bashqa, bu yighinning héchqandaq hoquqi we mejburlash küchi yoq.»

bayanatta, behreyn yighini bilen oxshash waqitta, liwan paytexti béyrutta islamgha mayil, döletchi we milletchi ereb partiyelirining qatnishishi astida ortaq halda «xelq konféransi» ötküzüsh xizmetlirining dawamlishishi kérekliki tekitlendi.

behreynde chaqirilidighan yumilaq üstel iqtisad yighinining, amérikaning isirailiye-pelestin mesilisini hel qilishta qachan élan qilishi éniq bolmighan «yüz yilning kélishimi» pilani dairisidiki tunji yighin bolidighanliqi qeyt qilinmaqta.

pelestin hökümiti deslepte qatnashmaydighanliqini jakarlighan yighingha teklip qilinish éhtimali bolghan döletlerge bayqut qilishni chaqiriq qilghan idi.