seudi erebistanda türmige tashlanghan diniy alimlarning epu qilinmighanliqi jakarlandi
seudi erebistanda xelqaragha tonulghan islam alimi selman el ewde qatarliq mehbus diniy alimlar heqqide padishah teripidin alahide epu qilish qarari chiqirilghanliqigha dair xewerlerning yalghanliqi uqturuldi.
türkiye awazi radiyosi xewiri: seudi erebistanda qolgha élinghanlarning heq – hoquqini qoghdashqa tirishiwatqan «pikir mehbusliri» namliq tiwittér hésabidin élan qilinghan bayanatta, ataqliq alim selman el ewde we bashqa mehbus diniy alimlarning epu qilinghanliqigha dair ijtimaiy taratqulardiki xewerlerning yalghanliqi bildürüldi.
bayanatta, «bu diniy alimlar padishahning epu qilishini kütmeydu. erkinlik ularning eng eqelliy heq - hoquqidur. seudi erebistan dairiliri bu kishilerni derhal shertsiz we qeytsiz bir shekilde qoyup bérishi lazim» dégen sözler ishlitildi.
seudi erbistan dairiliri mezkur xewerler heqqide héchqandaq bayanat élan qilmidi.
merkizi ishxanisi engliyede turushluq «Middle East Eye» (ottura sherqning közi) namliq tor betning 2 neper seudi erebistan hökümet mesulini we mehbus alimlardin birsining ailisini menbe körsitip élan qilghan xewiride bolsa, seudi erebistanda 2017 – yili qolgha élinghan islam alimi selman elewde, xatib awad elkarni we diniy téléwiziye pirogramchisi eli el ömerning ölüm jazasining ramizandin kéyin ijra qilinidighanliqini ilgiri sürgen idi.
