shie husiylar «düshmenliri»ge tuyuqsiz zerbe béridighanliqini bildürdi
shie husiylar yemen xelqige hujum qozghighanlargha tuyuqsiz zerbe béridighanliqini bildürdi.
türkiye awazi radiyosi xewiri؛ paytext senani tizginliwalghan shie husiy qoralliq küchlirining mudapie ministiri général muhemmed nasir el atifi, yemen xelqige hujum qilip kéliwatqanliqlarning edipini béridighanliqlirini bildürdi.
shie husiy qoralliq küchliri«herbiy teyyarliq komitéti»yighinida söz qilghan général atifi: insansiz hawa apparati we rakétamiyot bolup nurghun ilghar qoral yasap chiqtuq, dédi.
yemenge herbiy heriket qozghap kéliwatqan seudi erebistan we ereb birleshme xelipilikige yépiq shekilde tehdit salghan atifi munularni qeyt qildi: «yemen xelqige hujum qilghan hakawurlargha tuyuqsizla zerbe bérimiz we ular néme bolghanliqini bilelmeyla qalidu.»
her xil hawa mudapie sistémisi yasap chiqish xizmetlirining tamamlinish aldida turuwatqanliqini éytqan atifi, shie husiy qoralliq küchlirining düshmen zéminidiki muhim jaylargha hujum qozghash arqiliq, mudapiedin hujumgha ötkenlikini éytti.
shie husiylar yéqinqi künlerde seudi erebistandiki muhim jaylargha insansiz hawa apparatliri bilen hujum qozghap kéliwatqan bolup, bular ichide seudi erebistanning gherbidiki yenbu portigha néfit mangidighan turubba liniyelirimu bar.
