«amérika yene gherizige yételmidi»
wénézuélaning birleshken döletler teshkilati jenwe ishxanisi daimiy wekili bash elchi jorj waléro amérikaning qoralsizlinish yighinida gherizige yételmigenlikini éytti.
türkiye awazi radiyosi xewiri: wénézuélaning birleshken döletler teshkilati jenwe ishxanisi daimiy wekili bash elchi jorj waléro, qoralsizlinish yighinida amérikaning wénézuélani bayqut qilishqa urunush qilmishlirining muweppeqiyetsiz bolghanliqini éytti.
65 dölet eza bolghan jenwe merkezlik qoralsizlinish yighinining nöwetchi reislikige élépe ret tertipige asasen wénézuéla saylandi, bu ehwal amérika-wénézuéla munasiwitini téximu keskinleshtürüwetti.
amérikaning qoralsizlinish yighini daimiy wekili bash elchi robért wud «wénézuéla reisligidiki qoralsizlinish yighinini bayqut qilimiz»dep bayanat bérishidin kéyin, wénézuéla bash elchisi muxbirlarni kütüwélish yighini ötküzdi.
waléro amérika we lima guruhigha eza döletlerning yighin zalini tashlap kétishining qoralsizlinish yighinila emes, zaldiki barliq bash elchi we diplomatlargha qarshi hörmetsizlik bolghanliqini éytti.
bash elchi jorj waléro, wénézuélaning 23-iyunghiche dawamlishidighan nöwetchi reislik wezipisini üstige élishining wénézuélagha nisbeten sherep ikenlikini eskertip, amérika qoshma ishtatlirining naraziliqining eksiche zaldiki wekillerning köp qismining yighingha qatnashqanliqini we amérikaning naraziliqining ishqa yarimighanliqini bildürdi.
bash elchi jorj waléro rusiye, iran, gérmaniye, firansiye, xitay, pakistan, hindonéziye, jenubiy afriqa we hindistangha oxshash nurghun döletning wekillirining amérikaning naraziliqigha awaz qoshmighanliqini we yighinning échilishida söz qilghanliqlirini eslitip ötüp mundaq dédi: «donald tramp hökümitining wekilliri yene yétim qaldi, ularning qilghanliri tolimu bimene idi.»
wénézuéla pirézidénti nikolas maduroning 6 milyon wénézuélaliqning awazgha érishken qanunluq lidér ikenlikini eskertken waléro, wénézuéla hökümitining b d t bash katipi antonyo gutérrés we b d t gha eza nurghun dölet teripidin étirap qilinidighanliqini éytti.
bash elchi jorj waléro amérikaning wénézuélani urush bilen tehdit sélip kéliwatqanliqini, amérikaning «irqchi»bir dölet ikenlikini, qoralsizlinish yighinigha küch chiqirishning ornigha wénézuélaning ichki ishlirigha arilashqanliqini bildürdi.
