كونگودا يولۇچىلار كېمىسى كۆمتۈرۈلۈپ كېتىپ نۇرغۇن ئادەم ئۆلدى

تۈركىيە ئاۋازى رادىيوسى خەۋىرى:  يەرلىك تاراتقۇلارنىڭ خەۋەر قىلىشىچە، كونگو دېموكراتىك جۇمھۇرىيىتىنىڭ غەربىدىكى ماي – مدومبې كۆلىدە شەنبە كۈنى كېچىسى تەخمىنەن 350 يولۇچى ئولتۇرغان بىر يولۇچىلار كېمىسى مەنزىلگاھقا يېتىپ بېرىشقا 10 كىلومېتىر قالغاندا كۆمتۈرۈلۈپ كەتكەن،  ۋەقەدىن كېيىن يولۇچىلاردىن 183 كىشى قۇتقۇزۇۋېلىنغان، 30 كىشىنىڭ خەسىتى تېپىلغان.

ئالاقىدار تارماقلارنىڭ بىلدۈرۈشىچە، ۋەقەدىن كېيىن ئىشقا كىرىشتۈرۈلگەن ئىزدەش - قۇتقۇزۇش پائالىيەتلىرى داۋاملاشماقتا ئىكەن.