papa siganlargha qiliniwatqan hujumlarni eyiblidi
katolik duyasining rohaniy rehbiri papa fransiskis italiye paytexti rimda siganlargha irqiy hujum qilish weqelirige naraziliq bildürdi.
türkiye awazi radiyosi xewiri: papa fransiskis italiye paytexti rimda bir guruppa siganlarni ijtimaiy turalghu merkizige élip kétish weqesige we bir qanche kündin buyan dawam qiliwatqan qanunsiz köchmenlerge hujum weqelirige naraziliq bildürdi.
papa fransiskis ashqun ongchi idiyege ige guruppilar teripidin irqiy ayrimichiliq hujumlirigha duch kelgen siganlarni watikanda kütüwaldi.
u murasimda söz qilip: «siler üchün dua qilimen, silerni özemge yéqin hés qilimen. gézitlerde nachar yazmilarni oqughinimda, rastini éytsam, tolimu azablinimen. bezi xewerlerdin heqiqetten azablinimen» dédi.
u siganlargha qaritilghan irqiy hujumlarda «ikkinchi sinip puqra» dégen sözlerning otturigha chiqishini tenqid qilip: «ikkinchi sinip puqra dégen kishi, bashqilarni chetke qaqqan kishi hésablinidu. chünki ular kishilerge qandaq quchaq échishni bilmeydu. eslidiki yol, qérindashliq we ishikimizni hemme kishige ochuq tutush yolidur» dédi.
