iran yadro paaliyetlirini qaytidin dawamlashturidighanliqini bildürdi
amérika qoshma ishtatlirining émbargosi astidiki iran yadro paaliyetlirini qaytidin qismen dawamlashturidighanliqini bildürdi.
türkiye awazi radiyosi xewiri: iran döletlik téléwiziye istansisi téhran hökümitining engliye, firansiye, gérmaniye, xitay we rusiye bash elchixanilirigha yadro paaliyetlirini tekrar bashlaydighanliqi toghruluq melumat bergenlikini uqturdi.
iran pirézidénti hesen ruhani iranning yadro kélishimidiki menpeetliri ziyangha uchrighan teqdirde, 60 kün ichide qoyuqlashturulghan uran sewiyesini yenimu yüksek sewiyege yetküzidighanliqlirini bildürdi, hemde yadro kélishimining bikar qilinishining, iran we dunyagha nisbeten tehdit shekillendürgenlikini qeyt qildi.
iran tashqi ishlar ministiri muhemmed jewad zerifmu amérika qoshma ishtatlirining yadro kélishimidin öz aldighila chékinishi toghruluq toxtalghanda, mundaq dédi: «iran yadro kélishimi dairiside riaye qilip kéliwatqan bezi ehdiliride turmasliqni dölet menpeetige uyghun dep qarimaqta.»
dölet ishliri ziyaritide bolush üchün rusiyening paytext moskwadiki wnukowo ayrodurumida iran döletlik téléwiziye istansisigha bayanat bergen zerif, yawropa ittipaqi we xelqara jemiyetning amérika qoshma ishtatlirining bésimlirigha taqabil turalighudek küchi yoqluqini tekitlidi, shunga yadro kélishimining 26 – we 36 – maddiliri dairiside irannining yadro kélishimige asasen riaye qilip kéliwatqan bezi ehdiliride turmasliq hoquqi barliqini eskertti.
iran bilen 2015 – yili tüzülgen yadro kélishimi, téhranning yadro pirogrammisige cheklime qoyush bedilige irangha yürgüzülüwatqan émbargolarni bikar qilishni nishan qilatti.
washington hökümiti iran bilen birleshken döletler teshkilati xewpsizlik kéngishining 5 daimiy ezasi we gérmaniye otturisida imzalanghan yadro kélishimidin 2018 – yili may iéyida öz aldighila chékinip chiqqandin kéyin, irangha qaytidin émbargolarni yürgüzüshke bashlighanidi.
amérika qoshma ishtatlirining yadro kélishimidin chékinishidin kéyin, yawropa elliridin kélishimning dawami üchün qetiy irade bilen qedem tashlishini telep qiliwatqan téhéran hökümiti, menpeetliri ziyangha uchrighan teqdirde, kélishimge riaye qilmaydighanliqini otturigha qoymaqta.
