amérika kongéresining musulman ayal ezasi wénézuéla siyasitige qarshi chiqti
amérika kongresining yaghliq chégidighan tunji musulman ezasi ilxan ömer: «wénézuéladiki weziyet nahayiti xeterlik. pirézidént tramp hökümiti bu weziyetni téximu yamanlashturuwatidu. biz urushni emes, diplomatiyeni qollishimiz lazim» dédi.
türkiye awazi radiyosi xewiri: amérika kongéresining tunji musulman ayal ezasi ilxan ömer twittérda uchur hembehirlep, wénézuéladiki herbiy-siyasiy özgirish herikitige bolghan naraziliqini ipadilidi. u amérikaning burun qilghinigha oxshash, urushqa qarshi chiqquchilargha, «diktator yantayaqchisi» we «erkinlik düshmini» dégendek «marka» larni chaplighanliqini eskertip: «bundaq tiyatir téksti iraqta körülgen. wénézuéladiki weziyet nahayiti xeterlik. pirézidént tramp hökümiti bu weziyetni téximu yamanlashturuwatidu. biz urushni emes, diplomatiyeni qollishimiz lazim» dédi.
wénézuélada 2019-yili 23-yanwar küni özini «waqitliq pirézidént» dep élan qilghan xuen guaydo 24-aprél (jüme) twittérda tarqatqan üch minutluq wédioda, xelqqe we eskerlerge kochilargha chiqip namayish qilishni chaqiriq qilghan idi.
wénézuéla dölet mudapie ministiri wladimir padrino lopézmu twittérda bayanat élan qlip, herbiy özgirishke qarshi turidighanliqlirini bildürgen we: «biz qoralliq küch bolush süpitimiz bilen, asasiy qanun-tüzümni qoghdashqa qesem qilduq. xainlarche qilinghan herbiy özgirishke qarshi teyyarmiz. herbiy qisimlarda alahide ehwal yoq, hemmisi qomandanlirining buyruqi astida turuwatidu» dégen idi.
amérika hökümiti xuen guaydo we terepdarlirining herbiy özgirish qozghash herikitini qollaydighan bayanatlarni élan qildi.
