b d t xelqara jemiyetni arakan musulmanlirigha yardem bérishke chaqirdi

türkiye awazi radiyosi xewiri: birleshken döletler teshkilati musapirlar mehkimisining aliy komissari filippopo grandi bilen b d t mesullirining bangladéshning jenubidiki birmidin qachqan arakan musulmanliri qéliwatqan musapirlar lagérlirini zyaret qlishidin kéyin élan qilinghan bayatta,  rayonda musapirlargha qarita xizmet ishlesh jehettin zor ilgirileshlerning körülgenliki, biraq bolupmu balilar we ayallargha nisbeten ehwalning yenila jiddiyliki eskertilish bilen bir waqitta, xelqara jemiyetning arakan musulmanlirigha telim – terbiye, kespiy maarip we öz  jemiyetlirige hesse qoshush pursiti yaritip bérish, hemde köchmenlerning   birmigha qaytishi üchün birlik we barawerlik asasida heriket qilishqa teyyarlinishining zörürlükini tekitlendi.

filippopo grandi, bangladéshta 12 yashtin kichik 540 ming musapir balidin yérimining oqushtin mehrum qalghanliqini, qalghan yérimigha yaritip bérilgen oqush pursitiningmu intayin cheklik ikenlikini tekitlep mundaq dédi: «bu, dunyaning eng chong musapirlar kirizisliridin biri bolushni dawamlashturmaqta.»

birleshken döletler teshkilatining melumatlirigha qarighanda, 2017 – yili 25 – awghusttin kéyin arakandiki bésim we zulumdin qéchip bangladéshtin panahliq tiligen köchmenlerning sani 745 minggha yétidiken.