sudandiki öktichiler hakimiyetning xelqqe tapshurup bérilishini telep qildi
sudandiki herbiy özgirish 30 yilliq ömer elbeshir hakimiyitini örügen bolsimu, paytext xartumdiki armiye bash ishtabi aldidiki hakimiyetke qarshi namayishlar 18-künige qedem qoydi.
türkiye awazi radiyosi xewiri: sudanda kesip birleshmiliri we öktichi guruppilarning chaqiriqigha binaen minglarche namayishchi waqitliq herbiy kéngeshning hakimiyetni xelqqe tapshurup bérishini telep qilip, armiye ishtabi aldigha toplandi.
öktichiler teshkilligen «erkinlik we özgirish xitabnamisi küchliri», hakimiyet küchlirining meydandiki namayishchilarni tarqitiwétishke urunidighanliqini ilgiri sürüp, barliq öktichilerni inqilabigha ige chiqish üchün meydangha toplinishqa chaqirdi. biraq, armiye terep terep yaki bashqa guruppilar namayishqa arilashmidi.
namayishchilar sabiq ömer elbeshir hakimiyiti we herbiy kéngeshke qarshi shoar towlap, hakimiyet xelqqe tapshurup bérilmigiche meydandin ayrilmaydighanliqlirini tekitlidi.
2019-yili 19-dékabir sudanning shimalida mal bahasining ösüp kétishige qarshi bashlanghan namayishlarning piltisige ot yaqqan atbéra shehiridin yüzlerche kishi poyiz bilen xartumdiki namayish meydanigha kélip, namayishchilarni qollidi.
