xuen guaydo hökümet bilen diyalog ornatmaydighanliqlirini élan qildi

türkiye awazi radiyosi xewiri: bashtin kechürüwatqan siyasiy kirizisning 4-éyigha qedem qoyghan wénézuélada, öktichiler ötken ay (mart) ning birinchi heptisidin tartip bir qanche qétim yüz bergen we dölet miqyasida körülgen quduq süyi mesilisige seweb bolghan tok toxtash hadisilirige naraziliq bildürüsh üchün, yene namayish bashlidi.

amérika qatarliq gherbtiki nurghun döletler we latin amérikadiki döletlerning qollishigha érishken xuen guaydo, paytext karakasta qatnishish nisbiti burunqi namayishlargha qarighanda töwen bolghanliqi bayqalghan jaylarni aylinip chiqti we terepdarlirigha xitab qildi.

u wénézuéla hökümiti 27-aprél küni pütünley ayrilidighan amérikan döletliri teshkilati (OAS) ning öktichilerni qollighan tarré brikéno (Tarre Briceno) ni wénézuélaning wekili süpitide qobul qilghanliqini bildürdi.

u hökümet bilen diyalog ornatmaydighanliqlirini tekrarlap, wénézuéla xelqidin «erkinlik herikiti» dégen nam bilen dawamlashturushni pilan qilghan namayishlargha qatnishishni telep qildi.

tünügün (10-aprél) kéche wénézuélaning bezi ishtatlirida we paytextning bezi rayonlirida yene bir qétim tok toxtash weqesi yüz berdi. hökümet tereptin tok toxtash weqesige qarita, uchur-alaqe, medeniyet we sayahet ishlirigha mesul muawin pirézidént xorgé rodriguéz bayanat élan qildi.

u pirézidént nikolas maduroning mushu ay (aprél) ning béshida jakarlighan éléktir téjesh siyasitining dawamlishidighanliqini, dölet miqyasida éléktir xizmetlirining toluq kapaletke ige qilinishi üchün munasiwetlik xizmetlerning ishliniwatqanliqini bildürdi.