tibetning rohaniy rehbiri dalay lama balnéstqa élindi
tibetning rohaniy rehbiri dalay lamaning kökirek yallughlinishi sewebidin hindistanda balnétsqa élinghanliqi bildürüldi.
türkiye awazi radiyosi xewiri: «BBC» ning xewirige asaslanghanda, dalay lama kökirek yallughlinish sewebidin hindistan paytexti yéngi déhlidiki bir doxturxanida balnéstqa élinghan.
dalay lamaning bayanatchisi tenzin takilxa 83 yashqa qedem qoyghan buddist rohaniy rehberning ehwalning normal ikenlikini we bir qanche kün dawalinidighanliqini bildürdi.
dalay lama xitay hökümitige qarshi 1959 – yilidiki qozghilang utuqqa érishelmigendin kéyin, tibetni tashlap chiqip kétishke mejbur bolghan we hindistanning shimalida sürgündiki tibet hökümitini qurghan idi.
xitay hökümiti tibetning 700 yildin buyan xitay zémini ikenlikini ilgiri sürmekte. tibetlikler bolsa, tibetning ezeldin musteqil dölet ikenlikini ilgiri sürmekte.
xitay hökümitidalay lamaning tibet üchün alahide muxtariyat teleb qilishinimu «bu bir mexpiy musteqilliq urunushi» dégenni bahane qilip ret qilip kelmekte.