mozambikte yüz bergen boran - chapqun we su apetliride nurghun kishi öldi
jenubiy afriqa döletliridin mozambikte meydangha kelgen boran - chapqun we su apetliride 447 kishi hayatidin ayrildi, yardemge muhtaj kishilerning sani 2 milyongha yetti.
türkiye awazi radiyosi xewiri: birleshken döletler teshkilati insanperwerlik yardem ishxanisining bildürüshiche, mozambikte yüz bergen boran - chapqun we su apetliri sewebidin 447 kishi hayatidin ayrilghan, 15 mingdin artuq kishi yarilanghan bolup, kem dégende 1 milyon 850 ming kishi jiddiy yardemge éhtiyajliq iken.
apetler keng kölemlik insaniy tiragédiyeni keltürüp chiqarghan bolup, döletning ul eslihe qurulushliri éghir derijide ziyangha uchrighan, köpligen öyler örülüp chüshken, déhqanchiliq meydanliri weyran bolghan, apetlerdin kéyin yémek - ichmek we insanperwerlik yardemge bolghan éhtiyaj köpiyip ketken.
jenubiy afriqa döletliridin malawi, mozambik, zimbabwéni éghir talapetken uchratqan boran - chapqun apiti netijiside rayondiki minglarche öy we yol weyran bolghan, yuqumlar késellikler tarqashqa bashlighanidi.
