abbas: trampning qarari qanunluq emes
pelestin dölet reisi mehmud abbas amérika qoshma ishtatliri pirézidénti donald trampning «golan égizliki» ge alaqidar qararining qanunluq emeslikini éytti.
türkiye awazi radiyosi xewiri: pelestin resmiy xewer agéntliqi (WAFA) ning xewer qilishiche, pelestin dölet reisi mehmud abbas, amérika qoshma ishtatliri pirézidénti donald trampning, «<golan égizliki> ni israiliyening igilik hoquqigha tewe dep resmiy étirap qilish» qararnamisini imzalishigha naraziliq bildürüp hem bu qararning qanunluq emeslikini tekitlep mundaq dégen: «pelestinning quddustiki igilik hoquqigha ziyan yetküzidighan, yaki herqandaq bir ereb zéminini tartiwélish nishan qilinghan héchqandaq bir qarar qanunluq emestur. ereb – israiliye toqunushi mesilisige munasiwetlik herqandaq bir qedemni qanunlashturushning birdinbir yoli, birleshken döletler teshkilati xewpsizlik kéngishining, birleshken döletler teshkilatining we ereb tinchliq herikitining qararlirigha riaye qilishtin ötidu.»
amérika qoshma ishtatliri pirézidénti donald tramp, uda 52 yildin buyan israiliyening ishghaliyiti astidiki «golan égizliki» ning igilik hoquqining israiliyege ait ikenliki mezmun qilinghan pirézidént qararnamisini tünügün imzalighanidi.
