talibanning hujumida nurghun esker öldi
taliban ezalirining afghanistanning badgis wilayitidiki bir saqchixanigha hujum qilishi netijiside 20 esker hayatidin ayrildi.
1161067
türkiye awazi radiyosi xewiri: badgis wilayetlik kéngesh ishliri mesuli abduleziz begning éytishiche, taliban ezalirining bala murgab rayonluq saqchixanigha hujum qilishi netijiside 20 esker hayatidin ayrilghan, 10 esker yarilanghan, afghanistan dölet xewpsizlik küchliridin 20 si esirge éliwélighan.
taliban teripidin bu heqte élan qilinghan bayanatta ilgiri sürülüshiche, hujumdin kéyin 3 saqchixana talibanning kontrolluqigha ötken, 28 esker esirge chüshken.
