amérika palata ezasi eskerlik jeryanida basqunchiliqqa uchrighanliqini éytti
amérika hawa armiyesining tunji ayal uchquchisi unwanigha ige bolghan patala ezasi marta mik salliy eskerlik wezipisini ötesh jeryanida bir herbiy ofétsirning basqunchiliqigha uchrighanliqini élan qildi.
türkiye awazi radiyosi xewiri: arizona ishtati jumhuriyetchiler palata ezasi mik salliy palata qoralliq xizmetler töwen komitétining «armiyede jinsiy hujumlar» témiliq doklat yighinida, öziningmu basqunchiliq qurbani ikenlikini éytti.
hawa armiyeside wezipe ötewatqan mezgilde, yuqiri derijilik bir herbiy ofétsir teripidin basqunchiliqqa uchrighanliqini tilgha alghan mik salliy: «uzun yillarghiche süküt qildim. kéyinche armiyede her xil chiriklik mesilisi yüz bérip, yétersiz naraziliqlar bildürilishke bashlanghanda, bezilerning bu ishni bilishi kéreklikini hés qildim. mana menmu hayat qalghanlardin birsimen» dédi.
52 yashliq jumhuriyetchiler partiyesi palata ezasi eyni chaghda bashtin kechergenlirini ortaqlishishqa tirishqanda alaqidar mesullarning bu ishqa tutqan pozitsiyesining özini intayin qorqutqanliqini, hetta ishning hawa armiyesidin ayrilish nuqtisighiche kelgenlikini chüshendürüp, «bashqa nurghunlighan qurbanlargha oxshash menmu tüzümning manga qaytidin basqunchiliq qilghanliqini hés qildim» dédi.
amérika hawa armiyeside 26 yil xizmet qilghandin kéyin palkownik unwani bilen pinsiyege chiqqan mik salliy: «armiyediki jinsiy hujumlarni toxtitish üchün uzun bir musapini bésip öttuq, biraq yene bésishqa tégishlik téximu uzun yolimiz bar» dédi.
