firansiyede heryili on minglarche ademning haraq sewebidin ölüp kétidighanliqi éniqlandi
firansiyede her yili 41 ming ademning haraq istémalidin kélip chiqqan késellikler tüpeyli ölüp kétidighanliqi bildürüldi.
türkiye awazi radiyosi xewiri: sehiye ministirliqigha qarashliq firansiye xelq salametliki idarisining doklatida, haraq istémalining insan salametlikige yetküzidighan tesirliri muhakime qilindi.
2015 – 2017 – yilliri arisida élip bérilghan bir tekshürüsh netijisini menbe qilghan doklatta, her yili 30 ming er we 11 ming ayal bolup jemiy 41 ming ademning haraq istémaligha chétishliq késellikler tüpeyli bu dunya bilen widalashqanliqi eskertildi.
mezkur 41 ming ademning 16 mingining haraq istémalidin kélip chiqqan rak türliride ölüp ketkenliki qeyt qilindi.
doklatta, haraqning erlerning %11 ining, ayallarning %4 ining ölüm sewebi ikenliki yézildi.
doklatta yene, 65 – 75 yash ariliqidiki kishilerning %26 ining her küni haraq istémal qilghanliqi, 18 – 24 yash ariliqidiki yashlarningmu pat – patla mest bolup turidighanliqi bildürüldi.
haraq we xomar bolup qélishqa qarshi turush jemiyetlirining rehberliri we doxtorlardin teshkil tapqan bir guruppa kishi, bir qanche ay ilgiri sehiye ministiri agnés buzyngha ochuq xet yézip, haraq türidiki ichimliklerge qoyulidighan bajning miqdarini ashurushni telep qilghanidi.
mektupta, haraqning xelqning salametlikige yetküzidighan ziyanlirigha qarshi küreshke tégishlik derijide ehmiyet bérilmigenliki qeyt qilinghanidi.
