tayland melikisi bash ministirliq namzatliqidin chékindürüldi
tayland melikisi ubolratanani bash ministir namzatliqigha körsetken partiye, padishahning agahlandurushigha asasen bu qarardin waz kechkenlikini bildürdi.
türkiye awazi radiyosi xewiri: melike ubolratanani bash ministir namzatliqigha körsetken tayland raksa chart partiyesi, padishahning melikining bash ministir namzatliqini tonglitip qoyush qararigha boysunidighanliqini eskertti.
bayanatta, «partiyemiz, padishahning we barliq xan jemeti ailisi ezalirining buyruqlirigha sadaqetmenlik bilen riaye qilmaqta» dégen ibarilerge orun bérildi.
tayland padishahi wajiralongkornning achisi 67 yashliq melike ubolratananing bash ministir namzati bolghanliqini uqturghan, arqidin xan sariyi bayanat bérip, yuqiri derijilik aile ezalirining siyasetke kirishining enenilerge we milliy kültürge xilap ikenlikini eskertip, bu ehwalning «intayin orunsiz» ikenlikini tekitligenidi.
melike ubolratana padishah bayanat bérip bir qanche saet ötkendin kéyin bayanat bérip, namzatliqini qollighan xelqke minnetdarliq bildürüp, «taylandning güllinishini we xelqara jemiyet teripidin qobul qilinidighan we heyran qalidighan bir dölet bolushini arzu qilidighanliqi» ni bildürdi.
taylandta 2014 – yilidiki herbiy – siyasiy özgirishtin buyan tunji qétim omumiy saylam ötküzülidu.
