maduro wénézuélaning tarixiy küreshke duch kelgenlikini éytti

türkiye awazi radiyosi xewiri: ötken hepte amérika bilen bolghan barliq diplomatik munasiwetlerni üzgen wénézuéla pirézidénti maduro amérikadin qaytip kelgen wénézuéla diplomatlirini karakastiki pirézidéntliq sariyida kütüwaldi. u amérikaning wénézuélaning kitgo (Citgo) we pdwsa (PDVSA) néfit shirketlirige émbargo yürgüzgenliki toghrisida toxtilip: «amérika bu émbargoliri arqiliq kitgoni wénézuélaliqlardin tartiwalmaqchi boluwatidu. bu qanungha xilap. pdwsa bilen kitgoning mesullirigha kéreklik qanuniy resmiyetlerni bashlash toghrisida yolyoruq berdim. buningdin amérikaning meqsitining wénézuélaning bayliqlirini musadire qilish ikenlikini biliwalghili bolidu. wénézuélaning menpeetlirini qoghdash üchün amérikagha tégishlik qanuniy jehettin tégishlik jawab bérimiz» dédi.

maduru özini «waqitliq pirézidént» dep élan qilghan dölet parlaménti bashliqi xuen guaydoning telipi bilen, émbargolarning yürgüzülgenlikini eskertti.

u amérikadiki elchixana we konsulxanilargha sep özgertish üchün pul teklip sunulghanliqini, biraq diplomatlarning buni qobul qilmighanliqini bildürdi.

u öktichilerge qilghan diyalog chaqiriqini tekrarlap, mundaq dédi:

«wéénézuéladiki nurghun öktichi rehberlerning, wénézuéla yüzliniwatqan ashqunluqqa qarshi ikenlikini bilimen. biraq, awaz chiqarmasliq dawamlashtursa, wénézuélada yüz béridighanlardin ularmu jawabkar bolidu. hazir, jasaret we siyasiy özgirishke yaq deydighan, diyalog üstilide olturidighan waqit.»

u wénézuélaning bir qétimliq tarixiy küreshke duch kelgenlikini tekitlep, mundaq dédi:

«tarixiy künlerni bashtin kechürüwatimiz, tariiiy urushqa duch kéliwatimiz. siyasiy özgirish we bashqilarning ishlirigha arilishish waqti 20-esirde qaldi. wénézuéla 20-esirge qaytmaydu. wénézuéla özi békitken démokratiye we erkinlik yolida dawamliq ilgirileydu.»

charshenbe (23-yanwar) küni wénézuélada öktichiler we maduro hakimiyitini qollaydighanlar ötküzgen namayishlar, wénézuéla hemde rayon nuqtisidin éytqanda, chong özgirishlerge seweb bolghan idi.

öktichiler üstünlükni igileydighan dölet parlaménti bashliqi xuen guaydo namayishta özini wénézuélaning «waqitliq pirézidénti» dep élan qildi. xuen guaydoning «waqitliq pirézidéntliqi» ni, amérika, kanada, kolombiye, péru, ékwator, paragway, biraziliye, chili, panama, argéntina, kostarika we giwatémala qatarliq döletler étirap qilghan idi.

méksika, türkiye, rusiye, xitay we kuba wénézuéla pirézidénti maduroni qollighan idi.

maduro karakastiki pirézidéntliq sariyining balkonidin qollighuchilirigha xitab qilip, amérika bilen bolghan barliq munasiwetlerni üzgenliklirini we amérika diplomatlirining 72 saet ichide wénézuéladin chiqip kétishi kéreklikini élan qilghan idi. u yene, kéyinki bayanatida, ikki dölet otturisida diplomatik munasiwetlerning axirlashqanliqini, emma soda munasiwetlirining dawamlishidighanliqini bildürgen idi.