téhran: washington meghlubiyitini qobul qilishi kérek
iran tashqi ishlar ministiri muhemmed jewad zarif dölitining amérikining xalighinidek normal bir dölet bolmaydighanliqini, shunga washingtonning meghlubiyitini qobul qilishi kéreklikini éytti.
türkiye awazi radiyosi xewiri: zarif ammiwi ortaqlishish tor bétidiki sehipiside, amérika qoshma ishtatliri tashqi ishlar ministiri mayk pompéyoning irangha alaqidar bayanatlirigha jawab bérip mundaq dédi: «amérika qoshma ishtatliri qachan, qeyerge mudaxile qilsa, shu chaghda we shu yerde qalaymiqanchiliq, bésim we pitne - pasat otturigha chiqidu, pompéyoning iranni normal bir döletke aylandurush xiyali peqet jehennem tonglap muz tutqandiqla andin ishqa éshishi mumkin, shu chaghda amérika qoshma ishtatlirining qorchaq hakimiyetliri pompéyoning kishilik hoquq modéli siyasitini yolgha qoyup, iranni normal bir döletke aylandurushi mumkin, amérika qoshma ishtatlirining esli niyiti <shah hakimiyiti dewri» dikige, yaki hazirqi <jallat hakimiyetler> ge oxshash qorchaq bir hakimiyetni otturigha chiqirishtur. biz buninggha esla yol qoymaymiz, shunga, eng yaxshisi amérika qoshma ishtatliri iran mesiliside meghlub bolghanliqini qobul qilishi kérek.»
amérika qoshma ishtatliri tashqi ishlar ministiri mayk pompéyo ottura sherq ziyaritining tunji békiti iyordaniyede bergen bayanatida, iranni normal bir döletke aylandurushni nishan qiliwatqanliqlirini tekitlep mundaq dégenidi: «shunga, irangha qaritilghan bésimni peqet diplomatik sahedila emes, soda sahesidimu ikki hesse kücheytimiz.»
