ruméniye yawropa ittipaqining nöwetchi reisi boldi
ruméniye yawropa ittipaqining nöwetchi reislik wezipisini awistiriyedin ötküzüwaldi.
türkiye awazi radiyosi xewiri: ruméniyening paytexti buxarésttiki asénéum konsért zalida ötküzülgen wezipe tapshurup bérish we tapshuruwélish murasimigha, yawropa ittipaqi komitétining bashliqi yén klod yangkér, yawropa parlaméntining bashliqi antonio tajani, yawropa ittipaqi kéngishining bashliqi donald task, ruminiye pirézidénti klaus iohannis, ruminiye palatasining bashliqi kalin popésku tariséanu we ruméniye bash ministiri wioria dansila qatarliqlar qatnashti.
ruméniye pirézidénti klaus iohannis murasimda qilghan sözide, dölitining yawropa ittipaqigha eza bolup 12 – yiligha qedem qoyghanda nöwetchi reislik wezipisini ötküzüwalghanliqini, wezipe ötesh jeryanida birlik we barawerlikni chiqish nuqta qilip, mas qedemde xizmet ishleydighanliqini eskertish bilen bir waqitta, 2019 – yilning deslepki charikining yawropa ittipaqining kélechikini belgileydighanliqini, yawropa ittipaqining aldida nöwette engliyening chékinishi, köchmenlik we bixeterlik qatarliq ichki - tashqi qiyinchiliqlarning barliqini tekitlidi.
yawropa ittipaqi kéngishining bashliqi donald task ruméniyening yawropaning menpeetlirini qoghdash üchün qolidin kélishiche xizmet ishleydighanliqigha chin dilidin ishinidighanliqini qeyt qildi.
yawropa ittipaqi komitétining bashliqi yén klod yangkér, ruméniyening yawropaning merkizige jaylashqan bir dölet ikenlikini, shunga ruminiye bolmisa yawropa ittipaqida boshluq peyda bolup qalidighanliqini, jümlidin, ruméniyening sichégén rayonigha jaylashqan istiratégiyelik ehmiyetke ige muhim bir dölet ikenlikini tekitlesh bilen bir waqitta, qanunning üstünlükining nahayiti muhimliqini, chiriklikke qarshi küreshni qetiy dawamlashturush lazimliqini qeyt qildi.
