kishilik hoquq közitish teshkilati girétsiyeni eyiblidi
kishilik hoquq közitish teshkilati girétsiyening köchmenlerge tutqan qopal pozitsiyesini eyiblidi.
türkiye awazi radiyosi xewiri: kishilik hoquq közitish teshkilati girétsiye hökümitining merich deryasi boyidiki köchmenlerni türkiyege qaytishqa qistighanliqining ashkarilinip qalghanliqini bildürüp, girétsiye dairiliri we yawropa ittipaqini bu ehwal üstide tekshürüsh élip bérishqa chaqirdi.
kishilik hoquq közitish teshkilati teripidin bu heqte élan qilinghan bayanatta mundaq déyildi: «girétsiye saqchiliri köchmenlerni qaytishqa qistimaqta, bezide saqchilar köchmenlerge qattiq qolluq qilidiken, hetta köchmenlerning yük taqilirinimu chéchiwétidiken.»
hem türkiyede hemde girétsiyede köchmenler bilen söhbet ötküzülgenliki eskertilgen bayanatta yene munulargha orun ajritildi: «girétsiye dairiliri adil we biterep halda girétsiye saqchiliri we chégra muhapizetchilirining zorawanliq qilmishliri üstide tekshürüsh élip bérishi kérek. »
bayanatta girétsiyege köchmenlerning mesilisini hel qilishta yardem qilip kéliwatqan yawropa ittipaqi komitétining, girétsiye saqchilirining köchmenlerge qattiq qolluq qilip köchmenlerni mejburi qayturuwétish qilmishlirini yawropa ittipaqi qanunliri dairiside tekshürüp chiqish kérekliki alahide tekitlendi.
kishilik hoquq közitish teshkilati yawropa tetqiqatchisi todor gardosning sözlirige orun ajritilghan bayanatta yene mundaq déyildi: «birmu jinayet sadir qilip baqmighan insanlarning heq-hoquqliri depsende qilinip nazaret astigha élinmaqta, urulmaqta hetta girétsiyedin mejburi qoghlanmaqta.»
gardos girétsiye dairilirining köchmenlerning mejburi qayturulushi toghrisida tekshürüsh élip bérishi kéreklikini tekitlep munularni dédi: «hökümet bu heqte yalghan sözligen bolsimu, biraq girétsiyening merich deryasi arqiliq yawropagha ketmekchi bolghan insanlarni ichige élish uyaqta tursun qoghliwatqanliqi ashkarilandi.»
