jenwede süriye yighini bashlandi
türkiye, rusiye we iran tashqi ishlar ministirliri süriye kirizisini hel qilish tirishchanliqliri dairiside asasiy qanun komitéti mesilisini muzakire qilish üchün shiwéytsariye paytexti jenwede körüshti.
türkiye awazi radiyosi xewiri: türkiye tashqi ishlar ministiri mewlüt chawushoghlu, rusiye tashqi ishlar ministiri sérgéy lawrow we iran tashqi ishlar ministiri jewat zarif, b d t ning jenwediki ishxanisida körüshti.
iran tashqi ishlar ministiri jewat zarif yighindin burun muxbirlarning ziyaritini qobul qilip, ijabiy netije chiqishtin ümidwar ikenlikini bildürdi.
b d t ning süriye alahide wekili stéfan démistura yighindin kéyin, ministirlar we ularning hemrahliqidiki heyetlerge chüshlük tamaq ziyapiti béridu. ziyapettin kéyin töt terep yene qayta uchrishish ötküzidu.
töt terepning kélishimge yéqin ikenliki bilinmekte.
b d t süriye alahide wekili démistura we kapaletchi döletlerning bügün (18-dékabir) asasiy qanun komitétining qurulghanliqini élan qilishi kütülmekte.
