xitayda 2 bowaqning génini özgertken bir mutexessis sirliq halda yoqilip ketti
xelqara sehiye qanunlirigha xilap halda, géni özgertilgen bowaqlarning zadi qeyerde ikenliki we ailisining zadi kimler ikenliki téxiche sir tutulmaqta.
türkiye awazi radiyosi xewiri: xitayda bowaqlarning génini özgertkenliki bilen küntertiptin orun alghan mutexessis xi jienküyning, bir konféransta tetqiqatliri heqqide doklat bergendin kéyin, iz déreksiz yoqilip ketkenliki ilgiri sürülmekte.
xongkongda chiqidighan «ABC News» géziti «Apple Daily» ni menbe körsetken xewiride, xi jienküyning aldinqi hepte xongkong alahide rayonida «insan génliri belgilimiri, 2 – nöwetlik xelqaraliq aliy yighini» da öz tetqiqatliri heqqide ilmiy doklatini sunghandin kéyin, yoqilip ketkenlikini we téxiche qeyerde ikenlikining énqlanmighanliqini bildürdi.
uniwérsitétning ammiwi munasiwet ishxanisi bayanatchisi bu mesliige qarita hazirche héchqandaq soalgha jawab bérelmeydighanliqini bildürüp, xi jienküyning qeyerde ikenlikige dair tarqilip yürgen sözlerge éniqlima bérishni ret qildi.
bayanatchi: «yéngi melumat kelgende uniwérsitétning resmiy intérnét bétide yaki qisqa uchur we «WeChat» hésabi arqiliq xelqqe melumat bérilidu» dédi.
xitay ilim pen we téxnika ishliri ministiri shu nanping 29 – noyabirda xitay dölet téléwziyesi «CCTV» ge bergen bayanatida, bu ayning béshida tughulghan 2 neper qiz bowaqning génining özgertilishige yardemchi bolghanliqi ilgiri sürülgen tejribixanining paaliyetlirining toxttilghanliqini élan qilghan idi.
xitay ilim - pen we téxnika ishliri ministirliqining insan génining özgertilishige qarshi ikenlikini bildürgen shu nanping: «shundaqtimu bu etretning paalyetlirini qanusizliq dep qarashqa bolmaydu» dégen hemde bu mesilining tekshürülishi üchün buyruq bergenlikini éytqan idi.
xitay döletlik sehiye ishliri komitéti 27 – noyabirda 2 neper qiz bowaqning génining özgertilishi meslisi heqqide tekshürüsh bashlighan idi.
xitaydiki bu gén özgertilishi xelqaradiki bilim insanlirining qattiq naraziliqini qozghighan idi.
dunya sehiye teshkilatimu 3 – dékabirda xitaydiki bir mutexessisning bowaqlarning génlirini özgertkenlikige dair xewerlerdin kéyin, gén belgilimilirini tekshürüsh üchün bir heyet qurup chiqidighanliqini jakarlighan idi.
géni özgertilgen bowaqlarning qeyerde ikenliki we ailisining zadi kimler ikenliki téxiche sir tutulmaqta.
