kanada seudi erebistangha émbargo yürgüzidu

türkiye awazi radiyosi xewiri: kanada tashqi ishlar ministiri kiristia fréland bu heqte élan qilghan yazma bayanatida, kanada hökümitining  2018 – yili 2 – öktebir küni wehshiylerche öltürülgen seudi erebistanliq zhurnalist jamal qashiqchi jinayiti bilen chétishliqi bar 17 seudi erebistan puqrasigha émbargo yürgüzüsh toghruluq qarar chiqarghanliqini, bu shexslerning kanadadiki barliq mal – mülüklirining tonglitip qoyulidighanliqi hem kanadagha kirishige ruxset qilinmaydighanliqini eskertish bilen bir waqitta, bu kishilerge yürgüzülidighan émbargolarning köchmenler we musapirlarni qoghdash qanunigha asasen ijra qilinidighanliqlini tekitlep mundaq dédi: «jamal qashiqchi jinayitini tekshürüsh ishlirining ochuq - ashkara halda élip bérilishini ümid qilimiz. seudi erebistanning hazirghiche bergen bayanatlirigha ishinish tolimu qiyin. kanadaning kishilik hoquqni qoghdash iradisi qetiy bolup, dölitimiz dunya miqyasidiki axbarat erkinlikini qoghdashni izchil dawamlashturidu. jamal qashiqchining öltürülüshi barliq shexslerning pikir erkinlikige qilinghan hujum qilish hésablinidu. kanada bu dairide jinayetning ishenchilik we musteqil halda tekshürülüsh telipini dawamlashturidu. jamal qashiqchi jinayitining jawabkarliri qanun aldida hésab bérishi kérek.»