yemenning hudeyde shehiride yemen armiyesi üstünlükke érishti
yemenning hudeyde shehirde yemen armiyesi shie husiylargha qarshi herbiy heriket qozghap, bir nechche jayni qayturuwaldi.
türkiye awazi radiyosi xewiri:yemenning hudeyde shehiride izchil ilgiriwatqan yemen armiyesi, sheherdiki bir nechche jayni qayturup aldi.
yemen armiyesige tewe « 26 xewer.nét»isimlik tor bétining yemen armiyesi 2-piyad qismi oféstiri ehmed el-juhaylining melumatigha asasen bergen xewiride, yemen armiyesining hudeydening er-rabsa rayonigha herbiy heriket qozghap bir nechche jayni qayturup alghanliqini bildürdi.
herbiy heriket esnasida qarshi tereptin bir nechche kishining ölgenlikini éytqan juhayli, yemen armiyesining hudeyde shehirining ichki qismigha qarap ilgiriwatqanliqini éytti.
yemen hökümet armiyesi hudeyde shehiri we portini shie husiylardin qayturup élish üchün, 13-iyunda seudi erebistan bashchiliqidiki xelqara ittipaqdash qisimlirining yardimi bilen herbiy heriket qozghidi.
xelqara ittipaqdash qisimlirimu bu yil 17-séntebirde sheherni shie husiylardin qayturup élish üchün keng kölemlik herbiy qozghighanidi.
b d t teripidin yemenning weziyiti toghruluq élan qilinghan doklatta, yemen nöwette dunya boyiche eng éghir insaniy kirizisqa duch kéliwatqan iken.
ichki urushta yemende 15mingdin artuq adem ölüp yarilanghan bolsa, urush tüpeyli sehiye sahesi weyran bolup xoléra, diptéri we buninggha oxshash yuqumluq késellikler keng tarqalghan.
uzundin buyan siyasiy muqimsizliqqa sehne boliwatqan yemende, shie husiylar 2014-yili séntebirdin buyan paytext sena we bezi rayonlarni tizgini astide tutup turmaqta.
seudi erebistan bashchiliqidiki xelqara ittipaqdash qisimliri 2015-yili marttin buyan shie husiylargha qarshi yemen hökümitini qollap kelmekte.
