muqdishoning sherqide mina partlidi
somalining paytexti muqdishoning sherqiy qismida mina partlap, afriqa ittipaqigha qarashliq somali qisimliri sépide wezipe ötewatqan 3 esker öldi.
türkiye awazi radiyosi xewiri: weqedin kéyin eskerlerning etrapqa qalaymiqan oq chiqirishi netijiside 4 puqra jénidin ayrildi. neq meydandiki ehwallarni körgüchilerning bildürüshiche, muqdishoning sherqiy qismigha jaylashqan helwa mehellisidiki bir doqmushqa aldin orunlashturulghan mina afriqa ittipaqigha qarashliq somali qisimlirining aptomobili ötüwatqan esnada partlap, 3 esker ölgen, arqidin eskerler etrapqa qalaymiqan oq chiqirip 4 puqraning ölümige seweb bolghan, shuning bilen onlarche kishi naraziliq bildürüp namayish ötküzgen. bezi yollarni tosuwalghan namayishchilar, hökümettin puqralarning ölümige seweb bolghan eskerlerning sotlinishini telep qilip shoarlarni towlidi.
somali axbarat ministirliqi bayanat bérip, hökümetning weqe üstide tekshürüsh élip bériwatqanliqini uqturdi.
eshshebab teshkilati bolsa, özining tarqitish wasitiliri arqiliq bayanat bérip, hujumning jawabkarliqini üstige aldi we hujumda 3 eskerni öltürgenliklirini, 7 eskerni yarilandurghanliqlirini ilgiri sürdi.
