kerkük waliyliq mehkimisi, daéshning ziyankeshlikige uchrighuchilargha tölem bérishni qarar qildi
iraqning kerkük shehirining jenubidiki yéza we öy – makanliri daésh térrorluq teshkilatining buzghunchiliqigha uchrighan aililerge tölem bérilidu.
1079620
türkiye awazi radiyosi xewiri: kerkükning muawin waliysi eliy hummadi, daésh teripidin öy – makani pütünley weyran qilip tashlanghan herbir ailige 33 ming dollar etrapida tölem bérilidighanliqini uqturdi.
u, rayonning daéshtin qutquzulghinigha bir yil bolghan bolsimu, köchmen halettiki kishilerning qaytip kélelmigenlikini bildürdi we bu jehette bezi qedemlerning tashlanghanliqini eskertti.
mezkur tölemning baghdad hökümiti ajiritip bergen kerkük qurulush meblighidin ajritilidighanliqini bildürgen hummadi, mehelliy hökümet teripidin teshkillengen komitétning bir hepte ichide ziyanni éniqlash xizmetlirini axirlashturidighanliqini, arqidin tölem bérish xizmetlirining bashlinidighanliqini sözlirige ilawe qildi.
