tramp selmanning qashiqchi suyiqest bilen chétishliqining bar – yoqluqi heqqide toxtaldi

türkiye awazi radiyosi xewiri: donald tramp amérikida chiqidighan «‹ Wall Street Journal › géziti» ning ziyaritini qobul qilghanda bergen bayanatida,  seudi erebistanliq zhurnalist jamal qashiqchining öltürülüshi heqqide toxtaldi.

seudi erebistan padishahi selman bin abdulezizning jamal qashiqchining öltürülüshide héchqandaq melumatining yoqluqi toghruluq élan qilinghan bayanatlargha ishengenlikini eskertken tramp, seudi erebistan text warisi shahzade muhemmed bin selmanning jamal qashiqchining öltürülüshi bilen chétishliqining bar – yoqluqigha alaqidar soalgha mundaq jawab berdi: «seudi erebistanda hakimiyet ishlirini hemmidin bekrek bashquruwatqan shexs text warisi shahzade muhemmed bin selmandur. derweqe, barliq ishlarni bashquridighan we özgirishlerdin öz waqtda toluq xewerdar bolalaydighan kishi selmandur, shunga birawning bu weqede bilen chétishliq bolushqa tégishlik bolsa, elwette selman bolatti. men shahzade selman bilen uda birqanche qétim téléfonda körüshüp, uningdin qashiqchi weqesidin xewiri bar – yoqluqini sorudum, u manga, buningdin xewiri yoqluqini éytti, men uningdin, bu weqening qeyerde bashlanghanliqini sorisam, u manga, bu weqening töwen derijilik emeldarlar teripidin bolghanliqini éytti. men uning, <bu weqedin xewirim yoq> dégen sözlirining toghra bolushini ümid qilimen, men seudi erebistan rehberlirige ishinishni xalaymen.»

tramp aqsarayda muxbirlarning soallirigha jawab bergendimu, jamal qashiqchi weqesi toghruluq toluq melumatqa érishkendin kéyin qarar chiqirilidighanliqini tekitlep mundaq dédi: «bu heqte qandaq qarar chiqirish mesilisini dölet mejlisige qaldurimen, jumhuriyetchiler partiyesi bilen démokratlar partiyesining ortaq qollishi netijiside qarar chiqirilishigha tilekdashmen.»

u, seudi erebistanning weqeni tekshürüsh shekli toghruluq toxtalghanda bolsa, «seudi erebistanning jamal qashiqchi suyiqestini tekshürüsh shekli, hazirghiche bolghan eng nachar weqelikning esli mahiyitini yoshurush urunushliridin biridur.»

seudi erebistanliq islahatchilargha nisbeten muhim munber hésablinidighan «‹weten› géziti» ge muhim töhpilerni qoshqan hemde gherb taratqulirida ottura sherq rayonigha munasiwetlik xewerliri bilen tonulghan jamal qashiqchi, 2 – öktebir küni resmiyetlirini béjirish üchün seudi erebistanning istanbuldiki bash konsulxanisigha kirgendin kéyin iz - déreksiz yoqap ketkenidi.

seudi erebistan hökümiti 2  - öktebir küni istanbul bash konsulxanisigha kirgendin kéyin iz - déreksiz yoqap ketken seudi erebistanliq zhurnalist jamal qashiqchining «konsulxana binasida yüz bergen patparaqchiliq netijiside ölgenlikini» étirap qildi.