nétanyahuning repiqisi sotqa tartildi
isirailiye bash ministirining repiqisi sara nétanyahuning öyide maashliq ashpez turup, sirttin teyyar tamaq zakas qilish bilen eyiblinip sotqa chaqirilghanliqi bildürüldi.
türkiye awazi radiyosi xewiri: bash ministir bényamin nétanyahuning repiqisi sara nétanyahu dölet fondlirini hiyle ishlitip, xususiy yémek-ichmek ishlirigha ishlitish bilen eyiblinip sotqa chaqirildi.
igilinishiche, sara nétanyahu bu heqtiki eyibleshlerni ret qilghan. sot 13-noyabirgha kéchiktürülgen.
sara nétanyahu 13-iyunda qoymichiliq we ishenchtin paydilinish jinayetliri bilen eyiblinip tutulghan idi.
sara nétanyahu öyide maashliq bir ashpez bar bolsimu, uning ashpez yoq dep 100 ming dollarliq teyyar tamaq zakas qilghanliqi ilgiri sürülmekte.
eyibleshlerge qarighanda, sara nétanyahu 2010-2013-yilliri arisida dölet fondidin paydilinip, yüzlerche qétim teyyar tamaq zakas qilghan.
isirailiyede dölet emeldarlirining öyide maashliq bir ashpez bar bolghan ehwalda sirttin teyyar taq üchün xamchottin paydilinishi cheklinidu.
